Monday, November 14, 2005

حقائق وأرقام قياسية

حقائق وأرقام قياسية
مبارك حقائق وأرقام قياسية مصنع مكرونة وترعة للميه
الكوبرى مدغدغ ...ومزلقان الموت مطابق لمواصفات النهب الحكومية
ومستشفى شغاله من سنين يفتحها ويقص شريط مواسير الطفح الصحية
ووهم فتوشكى... وزيارة ميدانية صوَر ياصبحى فى الجريدة الرسمية
خمس فترات ...والساتة أهية ده مبارك وأرقامه القياسية
حقائق وأرقام قياسية
بطهارته ونزاهته تلتميت مليار راحت؟.. ولا فالبنوك السويسرية؟
و بإلهامه ووحيه بيشكل الوزارة والمجلس من الجهله والإنتهازية
وبتوجيهاته الوطنيه بقينا نمره 122فى تقرير التنمية البشرية
وبقدرته وخبرته الإقتصادية زود الديون بالمليار لفوق الستمية
وبحكمته التاريخية راح سفيرنا فى العراق شهيد الخارجية المصرية
وبعدله وعطفة محابيس السياسية بقو خمسة وعشرين ألف وتلتمية
حقائق وأرقام قياسية
بفهمه وذكاؤه بنصرف 20 مليار عالدروس الخصوصية
وبتعليماته وعلمة غطى البلد بالسلطانيه ودخان السحابه السنوية
وبشجاعته وإقدامه مسخرنا وراحت فلسطين وضاعت القضية
وبقوته وإقدامه بينفذ أوامر وتعليمات السفارة الأمريكية
وبوطنيته وإخلاصه بيهنى شارون ويقول عنف على العمليات الفدائية
وبكرمه وعطاؤة عمل لجمال لجنه للحكم و السياسات الحزبية
وبكراماته وبركاتة حكومتنا مش عارفه البطاله كام المية
حقائق وأرقام قياسية
آه... إوعى تنسى الصفرالقياسى بتاع مونديال الكوره العالمية
وتلامذه فى الفصل فوق الميه وطوابير عيش الغلابه المستنية
مصانع بتمانية وعشرين مليار إتباعت وتمنها يعدى الخمسمية
وناس محروقة عالسكة الحديدية وتزوير فى الإنتخابات البرلمانية
وإيده طالت ياأبنى كل حاجة وبدد فلوس التأمينات الإجتماعية
وماما سوزان دوله وحاشيه ومجلس وهمى للمرأة العصرية
حقائق وأرقام قياسية
ويا شعب إزعل وإغضب ولا خلاص مَوت فيك الوطنية
دة عيشتك ضنك و شكك و صابردايماً عالأزمة الإقتصادية؟
قهر و ذل وإهانة وعبودية وجرايم بالكوم ....ضد الإنسانية
وخير البلد مش ليك ولا لية ده متوزع عالأجهزة السيادية
وفشل كلوى من مية الحنفية وملايين منصابة بالأمراض السرطانية
وكوبا وغانا وبوركينا الأفريقية أحسن منا فتقرير الشفافية العالمية
حقائق وأرقام قياسية
فين الخجل ...فين الحياء إمتى هنـقضى عالفساد والمحسوبية
فين القانون..فين الديمقراطية نفسى أتنفس نسيم الحرية
فين العدل ....فين المساواة فين يامبارك إقرار الذمة المالية
فين العمل....فين الإبداع نفسى أعيش النهضة والتنمية الحقيقية
كفاية كدب ...زهقنا خلاص كفاية...حفظنا التصريحات الإعلامية
عايزين نقب... عايزين نتقدم عايزين نلحق كوريا الجنوبية
لازم نطهر مصرمن الحرامية ونحرر الناس من العبودية
عايزين نخلص من العيلة الملَكية عايزين جمهورية مصر العربية

3 Comments:

At 2:31 PM, December 10, 2005, Blogger Mohammed Hossam Edlin said...

شر البلية ما يضحك

 
At 11:40 PM, March 04, 2009, Anonymous Anonymous said...

ألف شكر لك عزيزي
__________________

مدونتي / مدونة القاضي العربي Fabulass

www.fabulassworld.blogspot.com/

لا ينفع القانون فينا رادعاً

ما لم تكن فينا ضمائر تردعُ

 
At 11:14 AM, November 08, 2012, Anonymous العاب فلاش said...

nice blog

 

Post a Comment

<< Home

Global   Voices

Global   Voices

Blogarama - The Blog Directory

Blog Directory & Search engine

Feed Shark

Politics Blog Top Sites

Powered by Blogger


O