أنا مصرى إبن مصرى وليا الشرف

أنا مصرى إبن مصرى وليا الشرف

برغم المهانة برغـــــــــــــــم القرف

برغم الزبالة اللى مالية الشــــــوارع

برغم الفســـــــــــاد اللى بيه أعترف

سمو معـــــــــــــــالى رئيس الوزارة

نتيجة موظف بسيـــــــــــــط انحرف

برغم المجاعة اللى داخلين عليهــــــا

وفينا اللى عـــــــايش حياته فى ترف

برغم البطــــــــالة فى أوضة وصالة

برغم أن أخر جنيـــــــــــــه اتصرف

برغم طـــــــــــابور الصباح السخيف

وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا

وأقول مش مهم يــــــــــا واد نام خفيف

برغم إنى شايف بــــــــــلاوى وساكت

وعايش مطنش كـــــــــــــــــأنى كفيف

برغم وزارة رئيسهـــــــــــــــا حرامي

وشوفوا البجاحـــــــــــــة يقولوا نظيف

برغم الســـــــــــلام اللى غرقت بناسها

برغم العيـــــــال اللى ساكنة الرصيف

برغم حكومة شعـــــــــــــارها الكلام

ورغم رئيسنــــــــــــــــا عليه السلام

ورغم أن كله يــــــــــــــا عالم بيغلى

إلا كرامتى بترخص قــــــــــــــــوام

برغــــــم إنى عايش في بلدى فريسة

ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى

فعهد جنابه كـــــــــــــلام فوق رخام

برغم ده كله يــــــــــــا مصر بحبك

وطـــــظ فيهم وده آخر كــــــــــــــلام

شعبيات / أحمد فؤاد نجم

مبارك الطوارئ

مبارك مد الطوارئ علينا يا شعب

مبارك علينا بجد من القلب

سنتين كمان و كله بيفوت

والاف معتقلين والبلد بتموت

و متقلقوش من الأعتقال طول ما فيه شهاب

ده كله دستورى زى ما قال الكتاب

قوى الشر والله نظيف ده دمه شربات

ونواب الشعب بصموا زى الدهلات

سبعة و عشرين سنة و كله مكتوب

اصل مصر مبارك مستهدفة من الشعوب

وقالوا ده قانون بس بتاع المخدرات

واهى مالية البلد و أرخص من المواصلات

وقالوا ده قانون بس بتاع الأرهاب

والباشوات بيعتقلوا بيه حتى حرامية الكباب

حالة طوارئ لحد لما يحطونا فى التابوت

ما احنا شعب واخد على النبوت